Mae'r partneriaid: Theatr Cwmni Taking Flight, Hynt, Ymddiriedolaeth Ddiwiddliannol Awen, Celfyddydau Anabl Cymru, Theatrau Sir Gar, Pontio, Theatrau RHCT

Mae Breaking the Box yn datblygu rhwydwaith o leoliadau perfformio cynhwysol a hygyrch yng Nghymru, sy’n hyderus ac yn derbyn cefnogaeth i groesawu artistiaid, aelodau criw y tu ôl i’r llwyfan, staff gweinyddol a chynulleidfaoedd amrywiol. Mae’r prosiect yn cynnig hyfforddiant a chymorth i egin-weithwyr theatr Byddar ac anabl trwy gyfrwng y rhaglen ar gyfer Pobl Greadigol ar Drothwy Eu Gyrfa (PGDEG); mae’n gweithio at ymgorffori rolau ar gyfer pobl greadigol Fyddar ac anabl mewn canolfannau perfformio yng Nghymru yn y dyfodol, gan ail-ddychmygu’r gweithlu creadigol. Rydyn ni’n ymdrechu i sefydlu meincnod i Gymru yn nhermau pa mor bell yr ydyn ni wedi cyrraedd o ran arferion cynhwysol a rhwyddfynediad yn ogystal â chydrannu gwersi’r prosiect ar draws y sector yng Nghymru ac ymhellach draw.

Yng ngham un y prosiect, gweithion ni gyda Mary-Jayne Russell de Clifford, gwneuthurwr a hwylusydd theatr Byddar, fel Rheolwr Prosiect ar y Rhaglen Creadigwyr Gyrfa Gynnar (ECC), gan gynnig cyfleoedd lleoli, cefnogaeth a rhwydweithio i Emily Rose Corby a Mason Lima, y Greadigwyr Gyrfa Cynnar ynghlwm â'r cynllun Breaking the Box. Wnaethon ni hefyd gefnogi Emily, Mason a phobl greadigol Byddar ac anabl eraill sydd ar ddechrau eu gyrfa, a'u galluogi i fynychu Gŵyl Caeredin, yn ogystal â chynnig cyfleoedd hyfforddi a lleoliadau iddynt. Gyda Dr Louise Fryer, hyfforddon ni garfan o ddisgrifwyr sain newydd yng Nghymru, gan gynnwys disgrifwyr sy'n gallu gweithio yn y Gymraeg. Derbyniodd holl staff ein lleoliadau partner hyfforddiant ymwybyddiaeth o Fyddardod ac Anabledd. Dathlwyd diwedd cam cyntaf y prosiect gyda diwrnod rhannu â'r diwydiant yn Ffwrnes, Llanelli.