Rôl Newydd

Mae’n bleser gennym ddatgan bod Tafsila Khan yn ymuno â’r tîm yn swyddogol fel Cyd-Drefnydd Mynediad dan hyfforddiant. Mae hon yn rôl newydd i’r diwydiant, a thra bydd Tafsila’n dysgu wrth gyflawni’r swydd, fe fydd y swydd ei hun yn dal i ddatblygu wrth iddi ddysgu, gan ddarganfod y gwahanol elfennau i gyd y bydd yn rhaid eu tynnu ynghyd er mwyn gwneud o’r theatr hygyrch y profiad gorau posibl i’r gynulleidfa, i bobl greadigol ac i’r canolfannau perfformio. Mae Tafsila’n ymgynghorydd Dall ar fynediad ac yn egin gyfarwyddydd theatr a chanddi awch am storïau go iawn ac am roi llais i’r rhai nad ydynt fel arfer yn cael eu clywed. Fe’i cymhellir gan y grym sydd gan y celfyddydau i beri newid o fewn y gymdeithas, ac wrth graidd ei gwaith y mae hygyrchedd er mwyn hybu ymgysylltiadau ehangach â’r celfyddydau. Rydyn ni’n byw mewn oes gyffrous, ac mae’n bleser o’r mwyaf inni groesawu Tafsila i’r tîm.