Newyddion am y Staff

Diolch i gefnogaeth Cyngor Celfyddydau Cymru, mae’n bleser gennym gyhoeddi dau benodiad newydd i’r tîm. Mae Steph Back yn ymuno â ni’n amser llawn, gan ehangu’r rôl ran amser a oedd gyda hi’n barod, fel Rheolwraig Mynediad, Cynhwysiant a Chyfranogiad. Ac mae Garrin Clarke yn ymuno â ni’n amser llawn hefyd o fis Medi ymlaen fel Rheolwr Cynhyrchu a Thechnegol. Mae’r ddau’n aelodau gwerthfawr o’r tîm yn barod oherwydd eu gwaith rhan amser neu lawrydd gyda ni, a bydd yn bleser mawr inni gael gweld eu hwynebau braf yn fwy rheolaidd o hyn ymlaen.