Hyfforddi ac Ymgynghori

Rydym yn cynnig pecyn hyfforddiant pedair-rhan ym maes gweithio’n gynhwysol. Mae’n cynnwys:

Cyflwyno Gweithio’n Gynhwysol

Y cwrs diwrnod cyfan yma, dan arweiniad ein tîm o ymarferwyr Byddar, dall ac anabl, yw’r cyflwyniad gorau i weithio’n gynhwysol. Cynhelir gweithgareddau ymarferol trwy’r dydd; mae’r hyfforddiant hwn yn cloddio i sylfeini ymwybyddiaeth o fod yn Fyddar, yn ddall ac yn anabl yn gyffredinol. Byddwn yn delio â phopeth, o’r iaith a ddefnyddir gennym, a modelau Byddardod/anabledd, i’r holl reolau a gwaharddiadau a’n hawgrymiadau mwyaf gwerthfawr! O ddogfennau disgrifio anghenion mynediad i ddamcaniaeth y llwyau – a rhagor – ein cyflwyniad ni i weithio’n gynhwysol yw eich siop un stop ar gyfer popeth y mae angen ichi ei wybod.

Rhaid ichi gwblhau’r cwrs yma cyn i’ch sefydliad chi symud ymlaen at y cyrsiau dwys canlynol:

Hyfforddiant Dwys ar Ymwybyddiaeth o Fyddardod

Yn dilyn y sylfeini a astudiwyd yn y gweithdy cyflwyno gweithio’n gynhwysol, mae ein gweithdai undydd dwys ar Ymwybyddiaeth o Fyddardod yn dysgu ichi bopeth y mae angen ichi ei wybod am droi eich gwaith a / neu eich lleoliad yn groesawgar i’ch noddwyr Byddar a’ch aelodau staff Byddar fel ei gilydd. Mae’r sesiwn weithdy yma, yn llawn gweithgareddau ymarferol, yn trafod popeth o ddysgu am y gwahanol fathau o Fyddardod a gwahanol ddewisiadau o ran dulliau cyfathrebu, i sut i gyfathrebu â rhywun Byddar mewn BSL sylfaenol, argymhellion ynghylch darllen gwefusau a rhagor. Gweithdy a arweinir gan bobl Fyddar trwy gyfrwng BSL yw hwn, gyda dehonglwyr BSL/Saesneg.

Hyfforddiant Dwys ar Ymwybyddiaeth o Ddallineb

Yn dilyn y sylfeini a astudiwyd yn y gweithdy cyflwyno gweithio’n gynhwysol, mae ein gweithdai dwys ar Ymwybyddiaeth o Ddallineb yn cael eu teilwra’n benodol at ofynion eich sefydliad chi; maen nhw’n llawn gweithgareddau ymarferol fydd yn sbarduno eich staff i feddwl am sut byddan nhw’n rhoi’r offer newydd hyn ar waith mewn senarios go iawn. Arweinir y gweithdy hwn gan ein hymarferydd dall Tafsila Khan.

Hyfforddiant Sector-Benodol ar Ymwybyddiaeth o Anableddau

Yn dilyn y sylfeini a astudiwyd yn y gweithdy cyflwyno gweithio’n gynhwysol, mae’r gweithdy hwn yn cloddio i bopeth y mae angen ichi ei wybod am ymwybyddiaeth o anableddau yn sector y theatr. Mae’r sesiwn yn cynnwys llu o weithgareddau ymarferol, argymhellion defnyddiol a dulliau gweithredu y gallwch chi eu defnyddio mewn senarios go iawn yn eich sefydliad.

Cynhelir ein cyrsiau i gyd gan ein tîm arbenigol o hwyluswyr hyfforddiant mewn ymwybyddiaeth o Fyddardod, Dallineb ac Anableddau.

I ddysgu rhagor am ein pecynnau hyfforddiant neu i drafod anghenion mwy penodol eich tîm, cysylltwch â Steph Bailey Scottein Rheolwraig Mynediad, Cyfranogiad a Chynhwysiant.