Dewch yn ôl i Aberlliw yn 2022 ar gyfer antur sy’n fwy uchelgeisiol ac yn well nag erioed. Dyn ni’n mynd yn ôl i Aberlliw eleni yng nghwmni ACTORION BYW GO IAWN (ie wir, actorion o gig a gwaed!) ynghyd â fersiwn newydd o’r ap y gallwch chi ei ddefnyddio yn Gymraeg neu yn Saesneg.

Yn galw pob ditectif, pob darganfyddwr a darganfyddwraig, a phob un sy’n mentro breuddwydio!  

Croeso i Adran y Digwyddiadau Rhyfedd. Fel recriwt newydd, fe gei di dy fwrw’n syth i’r dwfn wrth glywed y newydd rhyfedd bod tref fach yng Nghymru’n dioddef diflaniad llwyr lliwiau! Flwyddyn yn ôl, cafodd y lliwiau I gyd eu dwyn gan... rywbeth, ac oddi ar hynny nid yw dim yr un peth. Alli di ein helpu ni i datrys Achos Rhyfeddol Aberlliw?

Os galli di helpu pobl y dref i ddod â’r lliwiau yn ôl i Aberlliw, rwyt ti’n debygol iawn o gael dyrchafiad a swydd barhaol yn yr Adran!

Byddwch chi’n derbyn diweddariadau byw a rhai ar fideo o Aberlliw, yn ogystal â thasgau i’w cyflawni trwy gyfrwng ap wrth ichi ymlwybro o gwmpas y lleoliad a ddewiswch chi.

Pob lwc iti, Asiant – a chofia: mae’r byd i gyd yn gwylio.

Anturiaeth awyr agored i’r teulu i gyd sy’n archwilio’r hud sydd y tu mewn I bob un ohonon ni.

Dyma sut mae’n gweithio:

Cam 1: Penderfynwch a ydych chi am ddilyn eich llwybr yn Gymraeg neu yn Saesneg (ategir y ddwy iaith ar yr ap gan fideos gyda BSL/capsiynau). Bwciwch eich tocynnau. Fe dderbyniwch chi wybodaeth am y lleoliad, ynghyd â manylion yr ap y byddwch chi’n ei ddefnyddio wrth ddilyn eich llwybr. Cewch chi islwytho’r ap i’ch dyfais eich hunan , neu gael benthyg un o’n cyfrifiaduron llechen ni. Argymhellwn eich bod yn defnyddio’r ap ar sgrîn fwy o faint, ond gallwch chi ei ddefnyddio ar ffôn hefyd.

Cam 2: Ar ddiwrnod y fenter – byddwch yn cyrraedd eich lleoliad ar yr amser a drefnwyd ichi ddechrau dilyn eich llwybr, ac yn dysgu manylion y digwyddiadau rhyfedd yn Aberlliw gan ein hasiantiaid sydd ar y safle. Byddwch chi’n cael eich tywys ar hyd y llwybr gan ddefnyddio’r ap, ac yn cyflawni tasgau ar hyd y ffordd gydag ychydig o help gan uwch-asiantiaid yr Adran.

Cam 3: Ewch adref i orffwys. Dych chi’n ei haeddu!

Nifer gyfyngedig o lefydd sydd ar gael. Defnyddiwch y dolenni cyswllt ar y llaw dde i drefnu eich tocynnau.

Cyd-gynhyrchiad gan Taking Flight/LAS Theatre mewn cysylltiad ag Ymddiriedolaeth Ddiwylliannol Awen a Theatrau Sir Gar. Cyflwynwyd Achos Rhyfeddol Aberlliw am y tro cyntaf yn Llyn Llech Owain, Cross Hands a Pharc Gwledig Bryngarw.

Islwythwch y briffiad mynediad i asiantiaid yma ar gyfer Achos Rhyfeddol Aberlliw yma.